مع السلامه

السلام عليكم ورحمة الله وبركاته
قصيده مؤثره كتبها الشاعر مساعد الجليدي عند رحيله من النمريه

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
مــع السلامه يالجـبال الشواهـــيق=ودعــتـكن والقــلب ماهـوب سـالي


ابدي بكن لحـل في حـالي الضـيـق=وبــدع مـن القيــفــان يرتـاح بـالي



واسج بفجوج السعـه والطــواريـق=واروح ورجع من جنوب وشمالي


وامسي بليـلي بـين دلــّه وتعــلـيـق=عــمــار يـادار الجــماعه وخــالي


ومّ(ن) بركعات السحــر والتشاريق=تـرفـع يــديــها ياعــزيز الجـلالي


تفتح دريشـة بـيتـها اشوي وتوــيق=وتــقــول يــافــهّــود يــاهـــمـــلالي


راحــو وخــلّونا قـبـل فــكّــة الريــق=واصـبحت افـكّرواصـبح البيت خالي


الله يســهّــل دربـهـم بـالـتـوافيــق=يــارب يالمعبـــود تــقبــل ســــوْالي


واقفيت عنها شايلً فوق ماطـــيق=ودموع عـــينـي مثــل وبـل الخيالي


هاذي ضروف الوقت فيها تفاريق=والولف يثــّـــر في قلــوب الرجال


وحب الاماكن بالحشا والمـعالـيق=يبـقى عـلى طــول الدهــر واليـــالي


امر(ن)من الله وال كــل المخاليــق=سبــحـانه الــوالي عـلى كــل والــي[/poem]

الشاعر مساعد الجليدي