على صبح العويل

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
على صبح العويل بصدر هاك العود يا درويش=صحا والنار تأكل من حطب جوعه صبى بنته
نهر وبنيته تفرك محاجرها يبه به عيش=يبه و الصمت حار و ثرثرة لطفله اجفنته
قام يمتر الشارع على عكازته بشويش=يدور من صباح النور نورا بآهة أزمنته
وتشنق حلمه خيوط الشعاع وبزغت التغبيش=و يكفكف عينه وينعق بلم غراب ونونته
وأمر أحيان من حوله ولا يطالع تدري ليش=يخاف تقول عيني يا فقير الحال هذا انته
و أحاول ازرع الرأفة بارضا تنبت التطنيش=أبي لمن يبس من شيبها قمت وتسوسنته
ياليت أكون طير وحالته جنحان وإلا ريش=عشان كل ما ضمت جنحاني تحضنته
أبيه يعيش زي ما هالاوادم بالحياةتعيش=مع إن مدة يديني قبر وقروشي هي كفنته
كثر ما تصرخ أيده بالفقر يا محسنين قريش=كثر ما صافح من الفقر حاله و أكثر أحزنته
وأنا كل ما عطيته قرش حس القرش له بخشيش=عشان يقوم يدعي لي بعسى ما أعيش بمحنته
وأشوفه يسابق صغار القطط على فتات الويش=يا عمي خلني ساكت تهد الحال انئنته
تخيل بيده العيش وعجز لا يأكل من العيش=لان ما عاد به حيل كثر ما أوجاعه أوهنته
واخذ كف الرصيف يلقمه من نظرة التهميش=وأخذت امضغ وجعه وكل ما غصيت عاينته
يدسدس!!باقي أوجاعه على جنب الرصيف بخيش=يخاف إن حزنه يضيق صدره على بنته
كنه لات اه اه شفت وجهه في مرايا الطيش=ملامح شايب متهدلا وجهه من أزمنته
والأصعب تهجاي الوجع في نظرة الدرويش=سوى لمن قرى في وجهك الرحمة إذا عنته[/poem]

المبدع / محمد ابن ساقان