مابعد فرحة العيد

[poem=font=",6,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ان جيـت يـا عيـد صفّقنـا وغنيّنـا=وانْ رحت ياعيد مانحـزن ولا نشـره

ياعيـد: ياجـرح يقتلـنـا ويحييـنـا=اظنيت قلب الفتى حتى انحنـى ظهـره

ياعيد : بحر الفرح ماكان لـه مينـا..=وش فيك ياعيد حديّته علـى صخـرة؟

ياعيد : كان السحـاب يغسّـل ايدينـا=واليوم يـا عيـد مايحمـل ولاقطـرة!

ياعيد : كـان الشتـا يدفـى بأغانينـا=واليوم مايدفي اضلاعه سـوى العبـرة

ياعيـد عشنـا طفولتـنـا بلياليـنـا=طفولة الحـب يـوم الله كتـب عمـره

طفـلٍ وطفـلـه تغازلـنـا امانيـنـا =قلوبنـا بيـض لا تحقـد ولا تـكـره

لا حِسْد لا زيف لا كـذبٍ نبـت فينـا=نقـول :لا,للشتات.ونحفـظ العـشـرة

صغـار واحبـاب والدنـيـا تمنّيـنـا=ومن الجهالـة تمنيّنـا نصيـر اسـرة

طفلٍ وطفلـه وفـي كـم عـام شبيّنـا=وشبّت بنا احلامنا اللي جت على الفطره

وياليتنـا ماكبـرنـا يــوم حبّيـنـا=ياليت من حبّ مـا يستعجلـه عمـره!

حـلّ الفراق-ودعيـنـا الله يدنيـنـا=من بعضنا البعض رغم البعد والهجـرة

رغـم القيـود اللـي ألتفّـت حوالينـا=اللي فرضها علينـا النـاس والقـدر

يـاقــدرة الله والله ماتنـاسـيـنـا=الحـب تـوّه غريـر وليّـنٍ ظفـره!

الله ياعيـد يومـن كنـت تلفينـا....=وقت الطفوله بثـوب العيـد والغتـره

كنت اجمل من الهـدوم اللـي تغطّينـا=واحلى من السكّر اللي يغمـر السفـره

وازكى من النفحة اللـي فـي ايادينـا=واطيب من الطيب والريحان والزهـره

ياعيـد لـو جيـت لا تنسـى تعزّينـا=في موت حلمٍ محاه الوقت مـن صُغـره

حلـمٍ توفـى وهـو يبكـي وينعيـنـا=بكى نهار النوى حتى انفجـر صـدره!

ولونـا ضحكنـا وجاملـنـا اهاليـنـا =نضحك ونمزح وكـلٍ داخلـه جمـره

ياعيـد لا تخدعـك ضجـة تهانيـنـا=حنّا نهنّـي عشـان النـاس ماتشـره[/poem][/poem]

ودي لقلوبكم

تسلم اناملك كلماات رائعه جداًاًاً

الله الله عليك ياشامخ

قصيدة شامخة ورائعه تستحق القراءة مرااات

مشكور ياشامخ

اختيار راقي جدا

احترامي لك ولشموخك ..

بسم الله الرحمن الرحيم
اختيار موفق هذه البيات حيث تزامن وقت طرحك لها مع ايام العيد
وصح لسان قايلها. ولافيه شك ان الصغير يفرح للمناسبا ت وخاصه
مناسبات الاعياد . ولن ولم يحمل هم ولاحسد ولا يفكر بالحب والعشق
عكس الكبير والذي يصورها الشاعر في مشاعره في هذه البيات . واكيد كل
ماتذكر الانسان الماضي البعيد يقربه من زمن الطفوله والذكريات. وهذه هي الفطره
تحياتي...

سلمت ذائقك يالشامخ

قصيده رائعه بالفعل

وقد تأثرت بها كثيراً

دمت بود

أشكركم (أبوطالع ـ مثنى ـ نمراوي ـ همسة غلا ) على المرور