نادره من نوادر

قصيده نادره من نوادر






ياريم مجدول الشعـر تنقضينـه===============ومعطر(ن) بالورد زين البلالـه



يامن كما البراق موضي جبينـه===============ياعين شيهان علي الكف شالـه


بدر الحويفي يوم وقته وحينـه================لا اشتاق يبدى كل رجم زمالـه




لاتجرحيـن القلـب لاتجرحينـه===============يكفيه من جرح الزمن ماجرالـه



همن توطـا ظامـره والغبينـه================من ناس شي ماتصـور ابالـه



قسوة اظروفه بيحت في كنينـه================واصبح يصفق في يمينه شماله



قلب علي الماضي كثير حنينـه=================عليه يزعج ونتـه مـن هبالـه



الله ياوقـت(ن) تقافـت سنينـه================يوم الزمان الزين والقلب دالـه



يوم السحاب بنشـوة خابرينـه================= باول قدوم الوسم يزبـر خيالـه



والضلع وقته يوم تاشع بطينـه=================ماكنه الا من ضواحـي صلالـه



ريم الفلا حوله تحفـه سكينـه=================ولا شاف قناص يـزود جفالـه



واليوم والله من شقث فيه عينه================لو عس يمـه مايـدوج حلالـه



دور(ن)تغير يالقلـوب الفطينـه================وراع الجماله مبتلش بالجمالـه



ومن عاش دور العولمه والمدينه================مايخدمه ياكـود عملـة ريالـه



ومن لا يودك حط بينـك وبينـه================الفين كيلو ليـن تنسـا مجالـه



والرزق عند اللي ومر بالسفينه================سبحانه المعبـود جـل جلالـه

صخ لسان قايلهاـأ


وسلم يدين ناقلهاـأ

يعطيك العافيه بنوته

مَ ننحرم من جديدك يَ عسسل