مرثيه بالشيخ عبدالله بن ثواب الجليدي شيخ الجلادية من بني سالم من حرب ورئيس مركز النمرية بالقصيم رحمه الله تعالى




اننالله وانا إلية راجعون
للإلاه الواحد الفرد الصمد
اشهداني يوم جاني التيلفون
كن ما باقيليي من الناس احد
والله ان الدمع سال من العيون
وضاق صدري ما بقا فيني جلد
كيف والدنيا بعيني ما تهووون
كيف واللي راح شيخ معتمد
شيخ فيه الناس دايم يمدحوون
شيخ بفعاله ولربوووعه سند
ولجميع الناس بالفزعات عووون
للوازم ما ثنا ساقه ابد
يعتق الارقاب ويداوي الطعووون
والكرم كفن يمده ما برد
والله انه غير شكل وغير لووون
وجهه المنور يبشر بالسعد
ماشكى يضحك مع اللي يضحكون
له حجاجً طول عمره ما انعقد
ماعرف هرج القفيا ولا يكون
في حضوره هرجتن فيها صدد
من رجال ينفقون وينفقوون
ماخذ من الناس له كفن تمد
والله ان اللي سواته يفقدون
لويغيب السبت ينعاه الاحد
يفقده مجلس رجال يشكرون
بالعلوم وبالفعول اللي تعد
ويفقده مجلس رجال يذكرون
يذكرون الله ذكرن مايعد
ويفقده من علي ذكره يجووون
ويفقده منهو من الوقت اضتهد
ويفقده منهو عليه يعنزون
ويفقده من له مع العليا وعد
يعلم الله والعرب ما يعلمون
ان قلبي معه في جوف اللحد