وصية بركات الشريف لأبنه مالك
[glow=000000]
انقل لكم هذه القصيده المليئه بالجواهر التي لاتقدر بثمن
ارجو ان تنال على اعجابكم[/glow]
[poem=font="Andalus,6,black,bold,normal" bkcolor="skyblue" bkimage="http://jlede.com/vb/mwaextraedit2/backgrounds/10.gif" border="groove,6,skyblue" type=2 line=0 align=center use=ex num="0,black""]
يالله يالي كل الامات ترجيك =ياواحد ماخاب حي ترجاك
يارب عبد مامشى في معاصيك=ولايمشي الا في محبتك ورضاك
يامرقب بالصبح ضليت راقيك=ما واحد قبلى خبرته تعــلاك
وليت ياذا الدهر ما أكثر بلاويك=الله يزودنــا السلامه من اتلاك
يللى على العربان عمت شكاويك=وليت يا دهر الشقا ول مقواك
ولا يوم ها الكانون غاد شبـابيك=تلعب به الأرياح من كل iiشبـاك
يا مالك اسمع جابتى يوم أوصيك=واعرف ترى يابوك بآمرك وانهاك
وصية من والد طــــامع فيك=تسبق على الساقه لسانه لعلياك
أوصيك بالتقوى عسى الله يهديك=لهـــا وتدركها بتوفيق مولاك
الله بحق أجــدادك الغر يعطيك=مرضاته مع ما تمنيته أمنــاك
احفظ دبشك اللى عن الناس مغنيك=اللى إليا بأن الخلل فيك يرفـاك
واعرف ترى مكه ولاها بناخيـك=لو تشحذه خمسة ملاليم معطاك
اجعل دروب المرجلة من معانيك=واحذر تميل عن درجها بمرقاك
لاتنسدح عنها وتبغيني أعطيك=جميع ما يكفيك ما حاصل ذاك
أدب ولدك إن كان تبغيه يشفيك=واستسعفه من بعد مرباه بالاك
اما سمج واستسمجك عند شانيك=ويفر من فعله صديقك وشرواك
وإلا بعد جهله ترى هو بياذيــك=لو زعلت أمه لا تخليه يــالاك
واحذر تضيع كل من هو ذخر فيك=معروفه لاتنساه وأوفه بعـرفاك
ترى الصنايع بين الأجواد تشريك=اليا طمعت بغرسهــا لا تعداك
واحذر سرور بغبة البحر يرميك=ولاعنده أفلس من تشكيك وأبكاك
واوف الرجال احقوقها قبل تاتيك=لا توفيه بالقول فالحق يقفــاك
وهرج النميمة والقفا لا يجى فيك=وإياك عرض الغافل إياى وإياك
تبدى حديث للمــلا فيه تشكيك=وتهيم عند الناس بالكذب واشراك
واليا نويت احذر تعلم بطــاريك=كم واحد تبغى به العرف وأغواك
واحذر شماتت صاحب لك مصافيك=واليا جرى لك جارى قال لـولاك
ولا تحسبن الله قطـــوع يخليك=ولاتفرح أن الله على الخلق بداك
الضيف قدم له من حين يلفيــك=مما تطوله يا فتى الجود يمنــاك
أكرم اقباله فإنها من شواديـــك=وابذل له المجهود مــادام يعناك
احذر تلقى الضيف مرقن علابيك=خله محب لك صديق إذا جــاك
وأوصيك زلات الصديق إن عثى فيك=مازال يغطاهـا الشعر فاحتمل ذاك
راعه ولو ما شفت انه يراعيــك=عساك تكسر نيته عن معـــاداك
واحذر عدوك لو ظهر بى يصافيك=خلك نبيه وراقبه وين ما جـــاك
لاتأمنه واطلب من الله ينجيـــك=ويكفيك ربك شـــر ذولا وذولاك
شفنى أنا يــا أبوك بآمرك وانهيك=عن التعرض بين الاثنين حــذراك
إذا حضرت أطلابه مع شرابيك=اسع لهم بالصلح واللاش يفداك
ابذل لهم بالـطيب ربك ينجيك=ولاتجضع الميزان مع ذا ولاذاك
أما الشهادة فأدها إن دعوا فيـك=بين عمود الدين لاعميت أريـاك
بالك تماشى واحد لك يرديــك=طالع بنى جنسك وفكر بممشاك
رابع أصيل فى زمانك يشـاكيك=لا شاف خملاتك عن الناس غطاك
وأحذرك عن طرد المقفى حذاريك=عليك بالمقبــل وترك إللى تعداك
ثم العن الشيطان لياَّه يغويـــك=ترى إن تبعته للشرابيــك وداك
ووصيك لاتشكى علينا بلاويــك=أنت السبب طرفك عيونك بيمناك
واعرف ترى إلى واطي الفهر واطيك=ولا أنت أعز من الجماعة هذولاك
المسك يا راسى عن الذل واخطيك=واحذر تكلم يا لســـانى حذراك
والطف بجارك وقم من دون عانيك=وافطن لما يعنيك عن ربعة أحواك
يا ذيب وإن جتك الغنم فى مفاليك=فاكمن الين إن الرعـــايا تعداك
من أول يا ذيب تفرس بيــاديك=واليوم جـا ذيب عن الفرس عداك
يا ذيب عـاهدنى وأعاهدك مرميك=مرميك أنا يا ذيب لو زان مرماك
والنفس خالف رأيها قبل ترميــك=ترى لها الشيطان يرمى بالإهلاك
ومن بعد ذا لا تصحب النذل يعديك=وعن صبحة الأنذال حاشاك حاشاك
ترى العشير النذل يخلف طواريك=وأنا أرجى أنك ما تجى دون أباك
والهفوة إنك ما تجى دون أهاليك=ولاذكر عود الورد يثمر بتبنـاك
والحر مثلك يستحي يصحب الديك=أن صاحبه عاعا معاعات الأدياك
لا تستمع قول الطرف يوم يلفيك=بالكذب يقضى حاجته كل ما جاك
من نم لك نم بـك ولا فيه تشكيك=وأيلاه قد أزرا رفيقــك وأزراك
عندك حكا فينا وعندي حكى فيك=وأصبحت كارهنا وحنا كرهناك
ما اخطاك ما صابك ولو كان راميك=وإلي يصيبك لو تتقيت ما أخطاك
مير استمع منى عسى الله يهديك=النصح يـا مالك لك الله لمولاك
عندى مظنة مـا تمثلها فيك=واطلب لك التوفيق من عند مولاك[/poem]
آخر تعديل نمراوي يوم
08-03-2010 في 02:44 AM.
|